Data | Sektori | Pyetja | Drejtuar | Përgjigjur |
---|---|---|---|---|
07/08/2020 | Drejtësi |
Janë dy çështje të cilat unë do t’i shtroja, po besoj që të parën fillojmë tash e të dytën mandej në kohën e rezervuar për pyetjen tjetër. Unë do të doja të parashtroj edhe një pyetje lidhur me koncept-dokumentin për çështjen e pasurisë së fituar n
Lexo më shumë
Janë dy çështje të cilat unë do t’i shtroja, po besoj që të parën fillojmë tash e të dytën mandej në kohën e rezervuar për pyetjen tjetër. Unë do të doja të parashtroj edhe një pyetje lidhur me koncept-dokumentin për çështjen e pasurisë së fituar në mënyrë të pajustifikueshme. E dimë që kjo çështje është trajtuar me joseriozitet dhe të paktën në atë formë që do të mund të manipulohet duke i shpëtuar ato milionët dhe atë pasurinë e zhvatur e në të njëjtën kohë pra, duke arsyetuar, le të themi, ose duke u munduar ta arsyetohet pasurimi enorm i individëve të caktuar. Pra, pyetja konkrete është: duke pasur parasysh që Kosova vazhdon të jetë ndër vendet më të korruptuara dhe në anën tjetër me mosveprimin e institucioneve të drejtësisë për ata që kanë krijuar pasuri të pajustifikueshme, kur do të procedohet koncept-dokumenti në fjalë për votim në Qeveri dhe kur prisni që të procedohet në Kuvend Projektligji për konfiskimin e pasurisë së pajustifikueshme? Kjo është pyetja e parë. A të vazhdojmë? |
Selim Selimi | Po |
07/08/2020 | Drejtësi |
Pyetja e dytë ka të bëjë me procesin e vetingut, proces ky që është mbase edhe më i rëndësishëm sesa çështja e parë. Zotëri Selimi do të ishte mirë të na tregonte për vetingun, sepse ai dhe kjo Qeveri jolegale dhe jolegjitime po ndërhyjnë, ose kanë ndërh
Lexo më shumë
Pyetja e dytë ka të bëjë me procesin e vetingut, proces ky që është mbase edhe më i rëndësishëm sesa çështja e parë. Zotëri Selimi do të ishte mirë të na tregonte për vetingun, sepse ai dhe kjo Qeveri jolegale dhe jolegjitime po ndërhyjnë, ose kanë ndërhyrë, le të themi, në punën e 31 ekspertëve të pavarur. Cila është arsyeja që nuk e kanë lejuar dhe e kanë penguar punën e grupit të pavarur, që do të hartonte skenarët e mundshëm të vetingut? Ishte pikërisht ky grup, pra grupi i ekspertëve të pavarur, që ishte i themeluar nga Qeveria Kurti dhe që kishte marrë përsipër që të hartonte skenarë, që ishte grup gjithëpërfshirës. Pra, pyetja e qartë është se, a keni pasur takim me këtë grup të ekspertëve të pavarur, të cilët tashmë nuk janë pjesë e grupit? Dhe, nëse keni pasur takime edhe me grupin e ri, për çfarë jeni dakorduar? Cili është plani juaj në raport me vetingun në sistemin e drejtësisë, por edhe në atë të sigurisë? Faleminderit! |
Selim Selimi | Po |
08/10/2020 | Drejtësi |
Pyetja ime është për zotin Selim Selimin. Në faqen zyrtare të Ministrisë së Drejtësisë nuk gjenden emrat e këshilltarëve, por as vendimeve tuaja si ministër ose të paktën nuk janë të gjitha. Duke i parë zhvillimet e fundit lidhur me Ministrinë e Drejtësi
Lexo më shumë
Pyetja ime është për zotin Selim Selimin. Në faqen zyrtare të Ministrisë së Drejtësisë nuk gjenden emrat e këshilltarëve, por as vendimeve tuaja si ministër ose të paktën nuk janë të gjitha. Duke i parë zhvillimet e fundit lidhur me Ministrinë e Drejtësisë si dhe emërimet që janë bërë, padyshim që si deputetë jemi shumë të shqetësuar me mungesën e transparencës brenda Qeverisë, por edhe brenda ministrisë që ju e drejtoni. A mund të na njoftoni se sa këshilltarë keni emëruar në kuadër të ministrisë që drejtoni, qoftë të brendshëm apo edhe ata të jashtëm, përfshirë emrat dhe profesionet e tyre? Faleminderit! |
Selim Selimi | Po |
08/10/2020 | Drejtësi |
Në mesin e regjisorëve e ekonomistëve e të arkitektëve, po duket që pak ka juristë, por sido që të jetë pyetja është kjo: deklarimi që ka bërë një këshilltar i juaji kohëve të fundit dhe afera për të cilën është kapur ose është akuzuar, ju keni thënë që
Lexo më shumë
Në mesin e regjisorëve e ekonomistëve e të arkitektëve, po duket që pak ka juristë, por sido që të jetë pyetja është kjo: deklarimi që ka bërë një këshilltar i juaji kohëve të fundit dhe afera për të cilën është kapur ose është akuzuar, ju keni thënë që e keni liruar nga detyra me të kuptuar se mediat kanë raportuar për një skandal të tillë. Pastaj, i njëjti ka deklaruar se ai ka kërkuar që të lirohet nga detyra. A do të thotë kjo që ju po i shkarkoni këshilltarët që kapen me mbi 100 kg substancë narkotike, vetëm pasi që të kërkojnë ata që të lirohen nga detyra dhe vetëm pasi që mediat po raportojnë për këto çështje. Pra, cila është si të themi, etika dhe morali i reagimit në kësi situatash? Fillimisht po i emëroni duke mos e ditur, e pastaj po i shkarkoni duke raportuar mediat dhe duke kërkuar ata |
Selim Selimi | Po |
08/10/2020 | Punë të Brendshme |
Pyetja tjetër është për zotin Veliun. Policia e Kosovës më 18 shtator 2020 ka zhvilluar një operacion në Karaçevë të Dardanës, ku Prokuroria e Gjilanit, Policia, Inspektorati, mbledhja e Qeverisë është raportuar që personat e ndaluar dhe provat e sekuest
Lexo më shumë
Pyetja tjetër është për zotin Veliun. Policia e Kosovës më 18 shtator 2020 ka zhvilluar një operacion në Karaçevë të Dardanës, ku Prokuroria e Gjilanit, Policia, Inspektorati, mbledhja e Qeverisë është raportuar që personat e ndaluar dhe provat e sekuestruara nga veprimet e paligjshme në atë pjesë janë në një shumë të konsiderueshme dhe në disa mjete të ndryshme. Zoti Veliu, Sa është vlera totale në euro e konfiskuar gjatë operacionit policor në Karaçevë, sasia e substancës narkotike e konfiskuar si dhe a mund të na rendisni të gjitha gjësendet e tjera të sekuestruara në këtë operacion? |
Agim Veliu | Po |
08/10/2020 | Punë të Brendshme |
Zoti Veliu, për këto 6 000 mijë euro, këto mjete të konfiskuara në ato kazino atje ku ka pasur qarkullim me qindra-mijëra, e ndoshta me miliona euro, duken pak shifra të vogla, si do që të jetë, po më intereson një çështje tjetër. 30 A janë gjetur elemen
Lexo më shumë
Zoti Veliu, për këto 6 000 mijë euro, këto mjete të konfiskuara në ato kazino atje ku ka pasur qarkullim me qindra-mijëra, e ndoshta me miliona euro, duken pak shifra të vogla, si do që të jetë, po më intereson një çështje tjetër. 30 A janë gjetur elementet e trafikimit me qenie njerëzore? Sa të arrestuar janë lidhur me këtë veprimtari? A mendoni që deklarimi i juaj në seancë ditën kur është bërë operacioni policor e ka dekonspiruar këtë proces dhe, po ju lutem shumë, për dallim prej kolegut tuaj paraprak që ka këshilltar regjisorin, e ju keni policinë, e keni këtë aksionin tuaj, të mos e bëjmë figurën kështu komplete të filmit, po të japim përgjigje konkrete e të mos mbajmë ligjërata pa nevojë. |
Agim Veliu | Po |
29/10/2020 | Sociale |
Çështja që dua të ngre sot është lidhur me pensionet e shqiptarëve gjatë periudhës 2010-2019 në Zvicër. Në vitin 2010 siç e dimë është ndërprerë marrëveshja asokohe e arritur në vitet ’60-ta mes ish-Jugosllavisë dhe Zvicrës për sigurimet pen
Lexo më shumë
Çështja që dua të ngre sot është lidhur me pensionet e shqiptarëve gjatë periudhës 2010-2019 në Zvicër. Në vitin 2010 siç e dimë është ndërprerë marrëveshja asokohe e arritur në vitet ’60-ta mes ish-Jugosllavisë dhe Zvicrës për sigurimet pensionale, përfshirë këtu edhe shqiptarët nga Kosova. Qeveria e atëhershme në krye me ish-kryeministrin Hashim Thaçi ka dështuar në procesin e ripërtrirjes së marrëveshjes mes Kosovës dhe Zvicrës për të bërë sigurime pensionale. Ani pse Qeveria e Zvicrës kishte parashtruar disa herë kërkesë ndaj Qeverisë së Kosovës, mirëpo pala zvicerane asnjëherë nuk kanë marrë përgjigje dhe rrjedhimisht është ndërprerë kjo marrëveshje, pra në prill 2010. Në përpjekje të sindikatave zvicerane, Partia Sociademokrate, Partia e Gjelbër dhe miqve tanë në Zvicër, më 2019 është arritur marrëveshja Kosovë-Zvicër për sigurimet pensionale. Por, koha e humbur gjatë periudhës 2010-2019 për qytetarët tanë në Zvicër asnjëherë nuk është kompensuar. Pra, z. Reçica, a jeni në dijeni për këtë çështje? Nëse po, çfarë ka ndërmarrë Qeveria e Kosovës që të kompensohet periudha e humbur deri tani? Nëse jo, kur do të filloni të veproni në këtë drejtim? |
Skender Reçica | Po |
29/10/2020 | Sociale |
Zoti Reçica, nëse veç mund të jem edhe njëherë i qartë. Pra fillimisht e thatë që kemi pasur dy marrëveshje, më pas thatë që kemi mungesë të legjislacionit, respektivisht Ligjit për pensione që e ka pamundësuar pak ose e ka vështirësuar punën dhe angazhi
Lexo më shumë
Zoti Reçica, nëse veç mund të jem edhe njëherë i qartë. Pra fillimisht e thatë që kemi pasur dy marrëveshje, më pas thatë që kemi mungesë të legjislacionit, respektivisht Ligjit për pensione që e ka pamundësuar pak ose e ka vështirësuar punën dhe angazhimin tuaj në këtë drejtim e në të njëjtën kohë na treguat që keni qenë shumë i përkushtuar për këto procese. Tash, pyetja për mua logjike rrjedh kështu: pse kemi mungesë të legjislacionit kur kemi angazhim dhe përkushtim maksimal tuajin? Dhe e dyta: çfarë do të ndodhë tash me procesin dhe me çështjen e pensioneve të humbura për këto nëntë vite? 31 Ju thatë që është e pamundur pra që të kompensohen. Por na tregoni tash kush e ka përgjegjësinë për këtë çështje, pse kemi ardhur deri këtu dhe ku e kemi gjendjen tani? A jeni interesuar më për këtë çështje. |
Skender Reçica | Po |