Zonja ministre, Çështja që dua ta diskutoj është shkaqet e mosfunksionalizimit të qendrës së ashtuquajtur rekreative për fëmijë në lokalitetin e Orllanit, e cila ka vite që është përfunduar së ndërtuari. Zonja ministre, a mund të na tregoni arsyet e mosfunksionalizimit të kësaj qendre rekreative për fëmijë në lokalitetin e Orllanit, buzë Liqenit të Batllavës, e cila është financuar nga një varg organizatash financiare, duke filluar nga UFORK-u, pjesërisht Ministria e Arsimit, pjesërisht nëse nuk gabohem, Komuna e Podujevës dhe ka vite të tëra, ndoshta shtatë apo tetë, ndoshta edhe dhjetë vite dhe sot e kësaj dite kjo qendër është jashtë funksioni dhe nuk shfrytëzohet për asgjë. Nëse mund të na i thoni arsyet, se çfarë ka ndodhur dhe çfarë është duke ndodhur me atë qendër dhe kur pritet që eventualisht të funksionalizohet?

Pyetja ime në vijim është, ju lutem zonja ministre, a keni mundësi të na tregoni se sa është participimi i kësaj ministre, ministrisë suaj, sepse nuk thash Qeveria Hoti, por Ministria e Kulturës, të cilën ju e udhëhiqni. Na tregoni sa është shumë financiare që është financuar prej kësaj ministrie dhe sa është totali i krejt shumave financiare nga të gjithë këta aktorë financiarë që kanë financuar deri sot ë këtë objekt pushimor, siç po e quani ju.