Data | Sektori | Pyetja | Drejtuar | Përgjigjur |
---|---|---|---|---|
09/07/2020 | Punë të Jashtme |
Faleminderit, kryetare! Ditëve të fundit po rikonfirmohen ajo që Lëvizja Vetëvendosje vite më parë ka ngritur alarmin për idenë dhe për planet që koordinon Presidenti i Kosovës së bashku me presidentin e Republikës së Serbisë. Ideja për shkëmbim territor
Lexo më shumë
Faleminderit, kryetare! Ditëve të fundit po rikonfirmohen ajo që Lëvizja Vetëvendosje vite më parë ka ngritur alarmin për idenë dhe për planet që koordinon Presidenti i Kosovës së bashku me presidentin e Republikës së Serbisë. Ideja për shkëmbim territorial ka më shumë se dy vjet që ka filluar të diskutohet në mes të dy presidentëve si zgjidhje përfundimtare. Disa ditë më parë John Bolton, ish-këshilltar për siguri i Presidentit amerikan Donald Trump, për opsionin e korrigjimit të kufirit mes Kosovës dhe Serbisë, tha se ky projekt është shtyrë e promovuar nga liderët e të dyja vendeve. Pra, nga Thaçi dhe Vuçiq. Kësaj radhe ai përsëriti atë që kishte thënë dy vjet më parë se Uashingtoni nuk pengon nëse të dy liderët mund të kenë vullnet për të negociuar këtë çështje të cilët ata e kanë dëshmuar se e kanë diskutuar këtë edhe në heshtje. Ai kishte shtuar se politika amerikane është se nëse të dy palët arrijnë marrëveshje, nuk na takon neve që të pengojnë një gjë të tillë. Pas gjithë zhvillimeve të fundit, ju akoma duket se jeni të vendosur dhe po prisni që të vazhdoni me takimet tuaja dhe kjo shihet nga ajo çfarë keni thënë edhe në një intervistë për Dewtche Wellen se jeni në pritje të ftesës nga Uashingtoni. Pas konfirmimit se plani për shkëmbim territorial është iniciuar e shtyrë nga Thaçi dhe Vuçiq, Qeveria juaj e projektuar nga vetë Thaçi dhe e varur nga Lista Serbe nuk ka pasur asnjë reagim. A do të thotë kjo se do të pajtoheni dhe se do të vazhdoni jetësimin e idesë për ndarjen e territorit të Republikës së Kosovës. Faleminderit! |
Avdullah Hoti | Po |
09/07/2020 | Punë të Jashtme |
Ju nuk treguat se a pajtoheni me atë çfarë ka bërë Presidenti Thaçi. Ju po vazhdoni të bashkëngjiteni në dialogun të cilin e ka nisur Presidenti Thaçi dhe po thoni që po shkoni të bisedoni me Vuçiqin për marrëveshje reciproke, a po? Mirëpo, Vuçiqi ka dek
Lexo më shumë
Ju nuk treguat se a pajtoheni me atë çfarë ka bërë Presidenti Thaçi. Ju po vazhdoni të bashkëngjiteni në dialogun të cilin e ka nisur Presidenti Thaçi dhe po thoni që po shkoni të bisedoni me Vuçiqin për marrëveshje reciproke, a po? Mirëpo, Vuçiqi ka deklaruar qartë dhe thjeshtë se nëse ju shkoni të flisni për njohje reciproke, ata nuk do të flasin për një gjë të tillë. Për çka po shkoni ju z. Kryeministër, është me rëndësi të na tregoni dhe si do të paraqiteni ju në Uashington karshi Vuçiqit i cili ka dominancë të plotë dhe autoritet të plotë ndërkombëtar? Ndërsa ju jeni ilegal, pa legjitimitet dhe me autoritet ndërkombëtar të shtrirë përtokë? Pra, çka presim nga ju që të vazhdoni në këto bisedime që i ka iniciuar Thaçi dhe po i vazhdoni ju? |
Avdullah Hoti | Jo |
23/07/2020 | Punë të Jashtme |
Zoti Hoti nuk është këtu për t’ju përgjigjur pyetjeve, por unë do ta lexoj pyetjen dhe pres që zoti Hoti të kthejë përgjigje, pasi që ministrja për Punë të Jashtme nuk kishte përgjigje më herët. Për të rifilluar bisedimet ndërmjet Kosovës dhe Serbi
Lexo më shumë
Zoti Hoti nuk është këtu për t’ju përgjigjur pyetjeve, por unë do ta lexoj pyetjen dhe pres që zoti Hoti të kthejë përgjigje, pasi që ministrja për Punë të Jashtme nuk kishte përgjigje më herët. Për të rifilluar bisedimet ndërmjet Kosovës dhe Serbisë, Kosova është pajtuar që të pezullojë përpjekjet për t’u anëtarësuar në organizata ndërkombëtare, dhe këtë e ka konfirmuar zoti Hoti, dhe ka thënë që kjo do të zgjasë deri më 27 qershor 2020. Mirëpo, nga deklarimi i shefit të diplomacisë së Serbisë, ne e kuptuam një çështje tjetër. Që, përveç se Prishtina është zotuar që të mos bëjë fushatë për anëtarësim në organizatat ndërkombëtare, u pa që është zotuar edhe për mosangazhim në njohje të reja për shtetin e Kosovës. Prandaj, është shumë e rëndësishme që zoti Hoti të përgjigjet në këto pyetje. Të na tregojë saktë, nëse ka hequr dorë nga këto të dyja. Heqja dorë nga anëtarësimi në organizata ndërkombëtare dhe heqja dorë nga njohjet e reja. Pra, këto dy gjëra janë vënë në pah nga deklarimi i Ivica Daçiqit. Prandaj, zoti Hoti, e ka për obligim që të raportojë dhe të na tregojë se çfarë në të vërtetë ka premtuar. Pyetja është: A do të vazhdon të mbetet ky pezullim në fuqi edhe pas datës 27 qershor, siç ka thënë edhe zoti Daçiq, apo kjo do të shndërrohet në një fusnotë të dytë? Sepse kështu na mashtruan me fusnotën. Thanë që shkrihet në vitin 2012, ajo nuk është shkrirë. Tani po vazhdojnë ta sjellin një fusnotë tjetër e cila do ta ndjekë Kosovën për vitet me radhë. Prandaj, është shumë me rëndësi kjo dhe unë do ta përsërisë pyetjen edhe në seancën e radhës, derisa të kam përgjigje prej zotit Hoti. Faleminderit! |
Avdullah Hoti | Jo |
14/08/2020 | Punë të Jashtme |
Kjo Qeveri ilegale vullnetarisht ka hequr dorë nga sovraniteti i vendi dhe pas heqjes dorë nga reciprociteti me Serbinë ka hequr dorë edhe e drejta kushtetuese në angazhim për njohjen e pavarësisë së Kosovës dhe anëtarësim në organizatat evropiane e ndër
Lexo më shumë
Kjo Qeveri ilegale vullnetarisht ka hequr dorë nga sovraniteti i vendi dhe pas heqjes dorë nga reciprociteti me Serbinë ka hequr dorë edhe e drejta kushtetuese në angazhim për njohjen e pavarësisë së Kosovës dhe anëtarësim në organizatat evropiane e ndërkombëtare. Me këtë Qeveri vendi ynë është katandisur keq e më keq. Të ngathët, të paditur, neglizhentë, institucionet dhe komisionet funksionale i bëjnë jofunksionale. Kemi mbërritur në pikën ku as shkelja e territorit më nuk po bëhet problem. Me vendimin e dt. 1 korrik 2020, përmes të cilit Qeveria e z. Hoti ka bërë shkarkimin e Komisionit shtetëror për shënjimin dhe mirëmbajtjen e kufirit shtetëror. Shkarkimi i anëtarëve të Komisionit është bërë në kundërshtim me Rregulloren nr. 17/2013 për punën e Komisioni. Sipas Rregullores, saktësisht nenit 13, anëtarët e Komisionit zgjidhen me mandat trevjeçar me mundësi riemërimi nga Qeveria dhe Qeveria mund të shkarkojë kryesuesin dhe anëtarët para përfundimit të mandatit, vetëm nëse është i dënuar për vepër penale nga gjykata kompetente, kërkohet me shkrim dhe argumente nga institucioni që ai përfaqëson dhe kërkohet me shkrim dhe me argumente nga Komisioni që të bëjë shkarkimin. Asnjëra nga këto më lart nuk ka ndodhur, por z. Hoti ka marrë vendim që të bëjë shkarkimin e as Komisioni me shumicë votash nuk ka kërkuar që të shkarkohet nga Qeveria siç mundet sipas nenit në fjalë, pika 2. Por, në vendim nuk ka asnjë arsyetim pse është bërë shkarkimi dhe tani po bëhen gati dy muaj që kur ky komision nuk është funksional dhe përkundër asaj që kishte deklaruar se emërimi i anëtarëve të rinj të Komisionit do të bëhet shumë shpejt, tani është e pritshme që pas reagimit publik të nxitojnë dhe të emërojnë pasardhësit e tyre që ia humbën Kosovës 8 200 hektarë tokë. Pse ky vendim kaq i ngutshëm në shpërputhje me Rregulloren? Kjo është pyetja ime kryesore. Çka fshihet prapa këtij vendimi? Pse ishte kaq urgjente shkarkimi i Komisionit dhe me shkelje ligjore? |
Avdullah Hoti | Jo |
16/10/2020 | Administratë |
Kanë kaluar katër muaj e më shumë dhe Qeveria ende nuk ka caktuar një adresë politike dhe institucionale për procesin e integrimit evropian. Zyrtarët e BE-së kanë mbetur pa adresë politike se kë mund ta thërrasin dhe kujt mund t’i drejtohen kur kan
Lexo më shumë
Kanë kaluar katër muaj e më shumë dhe Qeveria ende nuk ka caktuar një adresë politike dhe institucionale për procesin e integrimit evropian. Zyrtarët e BE-së kanë mbetur pa adresë politike se kë mund ta thërrasin dhe kujt mund t’i drejtohen kur kanë nevojë që të flasin për Kosovën dhe me Kosovën. Qeveria nuk ka plan konkret që ta përfundojë tranzicionin. Nga shuarja e Ministrisë për Integrim Evropian deri te vendosja e një strukture të re, dhe këtu po shohim që ka ngecje. Po hyjmë në muajin e pestë dhe procesi i integrimit ka mbetur i pezulluar. Ju në fillim keni deklaruar se do ta bëni agjenci, por tani siç duket kanë ndryshuar dhe keni vendosur ta bëni zyrë. A mund të na informoni se çfarë po ndodhë dhe kur do të përfundojë procesi i tranzicionit? |
Avdullah Hoti | Po |
16/10/2020 | Administratë |
Kanë kaluar katër muaj, kemi hyrë në muajin e pestë dhe nuk e dimë se çfarë po ndodhë. Ju nuk thatë se kur do të përfundojë tranzicioni. Thatë se e keni caktuar një zëvendësministër, si e keni caktuar? Në rastin e Maqedonisë së Veriut, zëvendësministri i
Lexo më shumë
Kanë kaluar katër muaj, kemi hyrë në muajin e pestë dhe nuk e dimë se çfarë po ndodhë. Ju nuk thatë se kur do të përfundojë tranzicioni. Thatë se e keni caktuar një zëvendësministër, si e keni caktuar? Në rastin e Maqedonisë së Veriut, zëvendësministri i cili ka për detyrë integrimet evropiane është betuar para Kuvendit dhe i njëjti person të cilin ju e keni caktuar që ne akoma nuk e dimë, është dashur që të betohet para këtij Kuvendi dhe të votohet së bashku me Qeverinë. Pra, a mund të na tregoni se kur do të përfundojë procesi i tranizicionit? Kur BE-ja do ta ketë një kontakt, një zyrë politike, një adresë politike kujt t’i drejtohet dhe me kë do të flasë? Duhet ta keni këtë. Kanë kaluar pesë muaj dhe ju ende nuk e tregoni saktë se çfarë po ndodhë. Keni marrë vendim për krijimin e koncept-dokumentit për themelimin e agjencisë, e keni shfuqizuar atë vendim dhe keni marrë vendim tjetër. |
Avdullah Hoti | Po |
12/11/2020 | Dialog |
Pyetja ime për zotin Hoti lidhet me deklarimin e kryetarit të Lidhjes Socialdemokrate dhe ishkryetarit të Parlamentit të Vojvodinës, Nenad Çanak, i cili në një debat televiziv në Serbi ka folur për ekzistimin e 16 varrezave masive në Serbi me trup
Lexo më shumë
Pyetja ime për zotin Hoti lidhet me deklarimin e kryetarit të Lidhjes Socialdemokrate dhe ishkryetarit të Parlamentit të Vojvodinës, Nenad Çanak, i cili në një debat televiziv në Serbi ka folur për ekzistimin e 16 varrezave masive në Serbi me trupat e shqiptarëve nga Kosova. Zyrtarisht Serbia nuk ka dhënë asnjëherë informata se ku gjenden varrezat masive dhe se nga paslufta janë zbuluar vetëm 4 varreza masive në territorin e Serbisë. Serbia dyshohet se ka fshehur trupat e civilëve shqiptarë të vrarë gjatë luftës së fundit në Kosovë, ndërsa ministri i Punëve të Jashtme të Serbisë, Ivica Daçiq, ka kërcënuar serbët që po tregojnë se ku gjenden varret e civilëve shqiptarë të vrarë e të masakruar gjatë luftës. Pyetja ime është për zotin Hoti se në dritën e argumenteve të bëra në debatet televizive në Serbi se ekzistojnë 16 varreza masive të civilëve shqiptarë, a do ta kushtëzoni pjesëmarrjen e Kosovës në dialog me zbardhjen e fatit të të pagjeturve dhe në fillimin e hetimit zyrtar nga ana e Serbisë për fshehjen e fakteve lidhur me personat e pagjetur? Faleminderit! |
Avdullah Hoti | Po |
10/12/2020 | Punë të Jashtme |
Më datë 28 shtator 2020 ministrja e Punëve të Jashtme, Meliza Haradinaj-Stublla, i ka rekomanduar presidentit të dekretojë djalin e deputetit Haxhi Shala, Flakëron Shala, konsull të përgjithshëm të Republikës së Kosovës në Pragë. Ndërsa, me datë 20 tetor
Lexo më shumë
Më datë 28 shtator 2020 ministrja e Punëve të Jashtme, Meliza Haradinaj-Stublla, i ka rekomanduar presidentit të dekretojë djalin e deputetit Haxhi Shala, Flakëron Shala, konsull të përgjithshëm të Republikës së Kosovës në Pragë. Ndërsa, me datë 20 tetor ish presidenti Thaçi ka nënshkruar dekretin, ashtu siç ishte rekomanduar nga ministrja. Ne tani jemi dëshmitarë të Qeverisë LDK-PDK-AAK dhe të cilët e kanë degraduar deri në thelb shërbimin e jashtëm të Republikës së Kosovës. Shërbimi i jashtëm është shfrytëzuar për pazare politike të këtyre partive politike e jo për të përfaqësuar e avancuar interesat e shtetit të Kosovës. Nuk janë të pakta rastet e shërbimit, kur një votë e një deputeti është këmbyer me pozitë jashtë shteti në shërbimin e jashtëm. Edhe emërimi i djalit të deputetit Haxhi shala është pjesë e pazareve politike. Atëherë, nëse mund të përfaqësuesi i zotit Hoti këtu, është mirë të na tregojë se a ka qenë zoti Hoti pikë e marrëveshjes kur është diskutuar për marrëveshjen, që të dërgohet djali i Haxhi Shalës për konsull. Pra, a është diskutuar kjo si marrëveshje në mes AAK-së – LDK-së dhe Nismës, që ta emërojnë këtë konsull dhe këta t’ia japin votat që të bëhet kryeministër. Faleminderit! |
Avdullah Hoti | Po |
10/12/2020 | Punë të Jashtme |
Më 28 shtator 2020, ju si ministre i keni rekomanduar Presidentit ta dekretojë djalin e deputetit Haxhi Shala, z. Flakëron Shala, konsull të përgjithshëm të Republikës së Kosovës në Pragë. Ndërsa, më 20 tetor, ish-Presidenti Thaçi e ka nënshkruar dekreti
Lexo më shumë
Më 28 shtator 2020, ju si ministre i keni rekomanduar Presidentit ta dekretojë djalin e deputetit Haxhi Shala, z. Flakëron Shala, konsull të përgjithshëm të Republikës së Kosovës në Pragë. Ndërsa, më 20 tetor, ish-Presidenti Thaçi e ka nënshkruar dekretin ashtu siç është rekomanduar nga ju. Pyetja ime ka të bëjë me atë se, ne si deputetë të këtij Kuvendi nuk jemi informuar për asnjë procedurë që ju si ministër e keni ndjekur për këtë rast. A mund të na tregoni se cilat janë procedurat që keni ndjekur për të emëruar z. Shala, konsull në Pragë? Faleminderit! |
Meliza Haradinaj | Po |